“Nasaf” – “Qo'qon-1912“ o'yinidan keyingi matbuot anjumanida Ro'ziqul Berdiev ishtirok etdi. -Bugungi o'yinda ko'p kuch yo'qotdik. Arturni o'yindan chetlatishi ham bizning vazifamizni qiyinlashtirdi. Shunga qaramay bahs to'liq nazoratimiz ostida o'tdi. Ko'plab vaziyatlar sodir etdik. Ammo undan foydalana olmadik. Asosiysi uch ochko oldik. Bilasizlar, bizni oldimizda OChLda jiddiy o'yin kutib turibdi. Shu sabab bugun Abdurahimov, Shomurodov va Boydullaevga dam berishga qaror qildik. Bular orasida Shomurodovni keyingi o'yinda maydonga tushishi so'roq ostida. O'tgan turda “Paxtakor”ga qarshi bahsda to'p uning operatsiya bo'lgan joyiga tekkan. Qolgan o'yinchilar keyingi o'yinga maydonga tushishlari mumkin. Bolevich? Deyan uch soat oldin tarkibda bor edi. Biroz issig'i chiqqan, o'zini holsiz sezgani uchun qaydnomaga ham kiritilmadi. Umuman bugun chap qanotda Sharof Muhiddinov yosh bo'lsada, yaxshi o'yin ko'rsatdi. Yosh umidli futbolchilarimizi Bobur Abduholiqov va Aziz G'aniev ham katta hajmdagi ishni bajarishdi. Bu yili chempionatimizda bir qator kutilmagan natijalari bo'layapti. Chempionat qiziqarli o'tayapti. “Kuchli to'rtlik” orasiga kirdigan jamoalar ko'rinayapti. Bu muxlislar uchun qiziq. “Qo'qon-1912” oxirgi o'yinlarda besh himoyachi bilan harakat qilayapti. Biz gol urish o'rniga bir kishi kam bo'lib koldik. Lekin yigitlar haarkat qilishdi. “Qo'qon-1912” faqat bir to'p bilan yutqazayapti. Jamoada murabbiy ishi ko'rinib turibdi. Jamoa o'yini yomonmas. Keyingi uyinlarga ularga omad tilayman
— deya xabar beradi uff.uz nashri.