Milanning "Inter" klubi bosh murabbiyi Roberto Manchini Italiya chempionati 33 turida "Napoli" ustidan qozonilgan 2:0 hisobidagi g'alabadan so'ng fikr bildirdi.
"Bugun butun jamoa yaxshi o'ynadi. Dastlabki daqiqalarda "Napoli" katta muammolar yarata oldi, ammo biz g'alaba qozondik. Kondogbia himoyada kamroq ishlay boshlagach o'yin o'zgardi. "Napoli" kabi kuchli klubni himoyada tavakkal qilmay turib engib bo'lmaydi.
"Inter"da Chempionlar ligasida o'ynash imkoni katta emas, deb o'ylayman. Biz kurashda davom etishimiz kerak, qolganini keyin ko'rib olamiz. Baxtga qarshi bizda omadsiz o'yinlar bo'ldi va ortda qolib ketdik. Yanvarga qadar birinchi o'rinda borayotgandik. Ko'ramiz, mavsum oxirida nima bo'lar ekan. Biz o'shanda afsus qilamiz, hozir emas", - deydi Manchini.
— deya xabar beradi uff.uz nashri.