Aziz futbol ishqibozlari, bilasiz, SPORTS.uz internet-portali doimo o'z o'quvchilari bilan yaqin aloqa o'rnatishga va imkon qadar siz mushtariylarga yoqadigan materiallar berishga harakat qilib keladi.
O'zbek va jahon sportida, xususan, futbolda bo'layotgan so'nggi yangiliklarni birinchilardan bo'lib hukmingizga havola etishga, siz istagan mavzularda ko'proq eksklyuziv maqolalar tayyorlashga urinmoqdamiz. Agar bu maqsadimizni ozmi-ko'pmi uddalayotgan bo'lsak – demak, vaqtni zoe ketkazmayotgan ekanmiz!..
Shu o'rinda, internet-portalimiz o'quvchilariga yana bir yangilikni etkazmoqchimiz. Bundan buyon SPORTS.uzda o'zbek futbolchilari faoliyatini ishqibozlarga yanada yaxshiroq tanishtirish uchun mo'ljallangan “Maydon markazida” loyihasini kuzatib borish imkoniga ega bo'lasiz. Ushbu loyihada siz-u biz sevgan o'yinchilar futbolga qanday kirib kelganliklari, kiritgan eng chiroyli goli, eng yodda qolarli uchrashuv hamda boshqa qiziqarli voqealar haqida gapirib berishadi.
“Maydon markazida” loyihamizning ilk sonida esa Farg'onaning “Neftchi” jamoasi yarim himoyachisi Abbosbek Maxstalievbilan suhbat uyushtirdik. Unda mahoratli futbolchi bir qator siz bilgan va bilmagan voqealar xususida gapirib o'tdi.
- Avvalambor Assalomu alaykum, Abbosbek loyihamizda ishtirok etayotganingizdan juda ham xursandmiz.
- Avvalambor ushbu loyihada birinchi bo'lib ishtirok etayotganimdan juda ham xursandman. Taklif qilganlaringiz uchun raxmat.
- Abbosbek, “millionlar o'yini” bo'lmish futbolga kirib kelishingiz qanday sodir bo'lgan?
- Yoshligimdan futbolga ko'proq mehr berganman. Qolaversa, dadam ham meni futbolchi bo'lib etishishimga katta yordam bergan. Yangierdagi futbol maktabiga ham o'zlari olib borgan.
- Professional faoliyatingizni qaysi jamoada boshlagansiz va birinchi urgan golingiz yodingizdami?
- Profissional faoliyatimni Toshkentning “Paxtakor” jamoasida boshlaganman. Birinchi golimni esa 2011 yilgi mavsumda zaxiradan maydonga tushib “Mash'al” jamoasi darvozasiga kiritganman.
- Siz uchun oliy ligada o'tgan eng esda qolarli mavsum qaysi bo'lgan?
- O'tgan yilgi mavsum men uchun eng esda qolarlisi bo'lgandi. Sababi “Neftchi” jamoasi bilan Osiyo chempionlar ligasi uchun kurashgandik. O'tgan mavsumdagi har bir uchrashuv shiddatli bahslarga boy bo'lgandi.
Davomi Sports.Uz blogida.
— deya xabar beradi uff.uz nashri.