"Metallurg" - "Obod" uchrashuvidan (2:1) so'ng dastavval mehmonlar murabbiyi Bobur Zuhriddinov o'z fikrlarini bildirdi.
"Metallurg" jamoasini g'alaba bilan tabriklayman. Juda og'ir o'yin bo'ldi, hisobni biz ochgandik. Biroq yakunda imkoniyatni boy berib qo'ydik. Bu biz uchun alamli mag'lubiyat bo'ldi. O'z xatolarimiz ustida ishlab keyingi o'yinlarda bunday xatolarni takrorlamaslikka urinamiz".
"Bugun bizga tajriba etishmadi. Ko'p yigitlarimiz hali juda yosh. Shu sababli ham boshlagan ishimizni oxiriga etkaza olmayapmiz, oliy ligada g'alaba qozonolmayapmiz".
"Metallurg"da juda tajribali, mamlakatimizning eng mahoratli mutaxassislaridan biri bosh murabbiy bo'lib ishlaydi. Mezbonlar bizning jamoani juda yaxshi o'rganib chiqqanligini bugun ko'rsatishdi. Bizga maydonda erkin harakat qilishimizga imkon bermadi. Aynan bizga qarshi o'ziga xos taktika ishlab chiqqanligini isbotlashdi va haqli g'alabaga erishishdi",- deydi Zuhriddinov.
— deya xabar beradi uff.uz nashri.