Joriy yilning 1-9 may kunlari Portugaliyaning Funchal shahrida suzish bo'yicha Evropa ochiq chempionati o'tkaziladi. Mazkur nufuzli musobaqada uch nafar sportchilarimiz Vatanimiz sharafini himoya qiladilar.
Xususan, Paraosiyo o'yinlari g'olibi Kirill Pankov bir yo'la beshta masofa bo'yicha o'tkaziladigan musobaqada startga chiqadi. Tajribali sportchimiz 50 va 100 m. masofaga erkin, 100 m. masofaga chalqancha, 100 m. batterflyay hamda 200 m.ga kompleks suzish bahslarida Vatanimiz sharafini himoya qiladi.
Evropa ochiq chempionatida, shuningdek, Shohsanam Toshpo'latova 50,100 va 400 m. masofaga erkin, 100 m. masofaga batterflyay, 200 m. masofaga kompleks suzishda bahs yuritsa, Muslima Odilova 50,100 m. masofaga erkin, 100 m. masofaga batterflyay hamda 200 m.ga kompleks suzish musobaqasida sovrinli o'rinlar uchun kurash olib boradi.
O'z oldiga doimo yuqori marralarni qo'yadigan paralimpiyachilarimizga bo'lajak musobaqada ham omad va zafarlar tilab qolamiz. Shavkat Jalilov O'zbekiston Milliy Olimpiya qo'mitasi
matbuot xizmati
— deya xabar beradi uff.uz nashri.