“Roma” jamoasi hujumchisi Edin Jeko katta ehtimol bilan klubini o'zgartiradi. La Gazzetta dello Sport nashrining ma'lumotiga ko'ra, 30 yoshli bosniyalik futbolchi Angliya yoki Germaniya chempionatiga yo'l olishi mumkin. Avvalroq, Jekoga “Vest Xem” hamda Xitoy klublari qiziqish bildirishayotgani ma'lum bo'lgandi. Bir yil ilgari “Roma” hujumchini 4 million evroga “Manchester Siti”dan ijaraga olib, 11 million evro evaziga muddatidan avval batamomo sotib olgandi. Ushbu mavsumda Jeko Italiya A Seriyasining 28ta o'yinida maydonga tushib, 8ta gol hamda 5ta golli uzatmaga mualliflik qilgan.
— deya xabar beradi uff.uz nashri.