Londonning "Chelsi" klubi yarim himoyachisi Fransesk Fabregas sobiq bosh murabbiy portugaliyalik Joze Mourino haqida gapirib o'tdi.
"Bu borada aytilgan gaplar juda ko'p, ammo ko'pi yolg'on. Men Jozeni yaxshi ko'raman va uni o'z do'stim deb hisoblayman. Biz hamon aloqada bo'lib turibmiz.
Shu sababli o'zim haqimda yolg'on gaplar eshitish juda og'ir. Shunga qaramay Mourinoga hurmat bilan qarashda davom etaman.
Mourinoning eng katta muammosi - u bizga haddan ortiq ishonar edi. U bizga ko'proq dam olish berdi va chempion bo'lganimiz uchun o'zimizga kelib olish imkonini berdi. U bizga juda ishonardi, ammo jamoa unga pand berdi. Barchamiz pand berdik.
Bu asosiy muammoga aylandi va shu sababli Joze jamoadan ketdi. Bundan barchamiz, shaxsan o'zim ham yomon hissiyotda qoldik", - deydi Fabregas.
— deya xabar beradi uff.uz nashri.