Ertaga  Osiyo chempionlar ligasi 5-turida Toshkentning “Bunyodkor” klubi Qatarning “Lahviya” jamoasiga qarshi bahs olib boradi. Uchrashuvdan oldin tashkil etilgan matbuot anjumanida “Lahviya” bosh murabbiyi Jamol Belmadi va Ahmad As-Sadiy ishtirok etdi. “Ertaga qiyin o'yin bo'lib o'tadi. Sababi “Bunyodkor” va umuman O'zbekiston jamoalariga qarshi to'p surish doimo qiyin. So'nggi uch o'yinda mag'lubiyatga uchramadik va ertaga ham ushbu an'anaga sodiq qolamiz deb umid qilaman. Raqibga g'alaba juda muhim, biz esa unchalik qiyin ahvoldamasmiz. Shuning uchun ertaga imkoni boricha ochiq o'yin namoyish qilamiz”, – deydi qatarliklar ustozi. “Lahviya” a'zosi Ahmad As-Sadiy ham bo'lajak o'yin haqida o'z fikrlarini bildirib o'tdi. “Ertaga qiyin o'yin bo'ladi. Lekin bor kuchimizga Qatarga 3 ochko olgan holda qaytishga umid qilamiz”, – As-Sadiy.
— deya xabar beradi uff.uz nashri.