Osiyo chempionlar ligasi 5-turi doirasida Qarshining «Nasaf» klubi o'z maydonida Birlashgan Arab Amirliklarining «Al-Ayn» klubini qabul qilmoqda.
Uchrashuvni asosiy tarkibda boshlaydigan futbolchilar ro'yxati ma'lum bo'ldi. Ushbu sahifa orqali uchrashuv tafsilotlari bilan tanishib borishingiz mumkin.
OChL. 5-tur
«Nasaf» - «Al-Ayn» - 1:1 (birinchi bo'lim)
Gol: Maqsud Karimov 1 - Aspirilya 32
 “Nasaf”: 25.Eldorbek Suyunov, 4.Maqsud Karimov, 5.Ildar Mamatkazin, 6.Azizjon G'aniev, 7.Shuhrat Muhammadiev, 10.Dilshod Rahmatullaev, 17.Artur Gevorkyan (s), 18.Bahrom Abdurahimov, 21.Azamat Allaniyozov, 31.Saydullo Rahmatov, 45. Bobur Abduxoliqov.
“Al-Ayn”: 17. Xolid Iyso, 5. Ismoil Axmad, 6. Flipp Bastos, 9. Dyanfres Duglas, 10. Umar Abdulrahmon (s), 18.Ibrohim Diaki, 19. Muhanad Salim, 23. Muhammad Axmad G'arib,  29. Li Myung Ji, 50. Muhammad Fayoz, 70. Danilo Asprillo.
1'. O'yin boshlandi. 1'. Va, GOOOOLLLLLLL!!!!!! 1'. "Nasaf"ning ilk hujumiyoq burchak to'pi belgilanishi bilan yakunlandi va Gevorkyan oshirib bergan to'pdan so'ng Bobur Abduholiqov to'pni Maqsud Karimovga etkazib berdi va hisob ochildi. 3'. "Al Ayn" o'tkazib yuborilgan tezkor goldan so'ng biroz gangib qolgandek ko'ringandi. Raqib asta sekin o'ziga kelib, hujum tashkil qilishga urinmoqda. 7'. Amirlik futbolchilari biroz asabiylashishmoqda. Ibrohim Diakiy maydon markazida Dilshod Rahmatullaevga nisbatan qo'pollik ishlatdi va ogohlantirildi. 11'. "Al Ayn" futbolchilari tomonidan berilgan zarbani Eldor Suyunov egallab oldi. Xavfli vaziyatdek ko'ringandi. 14'. Diakiyning hujumdagi faolligi ancha yuqori. Umuman, raqib bosimni oshiryapti, "Nasaf" esa bor e'tiborni qarshi hujumga qaratgan. 18'. Dilshod Rahmatullaevdan zarba berish uchun qulay imkoniyat yuzaga kelgandi. Afsuski Dilshodning zarbasi ko'ngildagidek chiqmadi va raqib himoyachilari qaytardilar. 21'. Bahrom Abdurahimov orqali chap qanotdan tashkil etilishi rejalashtirilgan ish oxiriga qadar amalga oshmay qoldi. "Al Ayn" ilk daqiqadagi xatosini inobatga olmasa. himoyada yomon emas. 24'. Artur Gevorkyandan yana bir superkorner. Biroq "Al Ayn" himoyachilari bu safar burchak to'pi vaqtida ancha xushyor o'ynashdi va xavfni bartaraf etishdi. 27'. Bahrom Abdurahimovdan dahshatli zarba... Ammo darvozabon Xolid Iso to'pni maydon tashqarisiga chiqarib yubordi. Burchak to'pi esa raqibning yana bir qo'polligi bilan yakunlandi. Xavfli jarima zarbasi... 27'. Afsuski Gevorkyanning zarbasi u qadar yaxshi chiqmadi. 30'. "Al Ayn" burchakdan to'pni o'yinga kiritgan vaziyatda Shuhrat Muhammadiev boshidan jarohat oldi. Ammo himoyachi tezda maydonga qaytdi. Hammasi joyida. 32'. Gol! 32'. Danilo Aspirilya ajoyib dribling evaziga uch nafar himoyachini ortda qoldirdi va aniq zarba bilan hisobni tenglashtirdi. 34'. "Nasaf" muxlislariga qoyil! Qarshilik ishqibozlar o'tkazilgan goldan so'ng "Nasaf"ni yanada faolroq qo'llay boshladilar. Berdiev shogirdlari bundan ruhlanib hujum tashqil qilmoqdalar. 35'. Vuxx! Sal bo'lmasa Aspiril dubl qayd etishi mumkin edi. U deyarli birinchi golida bo'lgani kabi oldinga o'tib ketgan edi, baxtimizga zarbasi noaniq chiqdi.
— deya xabar beradi uff.uz nashri.