Osiyo Chempionlar ligasi 5-turidan o'rin olgan “Nasaf” – “Al-Ayn” (1:1) uchrashuvidan so'ng o'tkazilgan matbuot anjumanida  “Al-Ayn” jamoasi bosh murabbiyi Zlatko Dalich va jamoaning yarim himoyachisi Umar Abdulrahmonlar ishtirok etishdi. “Qiyin o'yin bo'ldi. Ilk hujumdanoq gol o'tkazdik. Jamoa xarakter ko'rsatdi, o'ziga kelib oldi. Bizda yana gol urish uchun imkoniyatlar bo'ldi ulardan foydalana olmadik. Bu natijaga ta'sir qildi. Ikkinchi bo'limda asosan to'pni nazorat qilishga e'tibor qaratdik. Bugungi durang keyingi bosqichga chiqish imkoniyatimizni saqlab qoldi. Biz har doim yutishni xohlaymiz. Ammo birinchi daqiqadagi gol rejalarimizni o'zgartirib yubordi. Bunday sharoitda, muxlislar qo'llab quvvatlashi ostida o'yinga qaytish osonmas. Birinchi bo'limda 3:1 hisobida oldinga chiqib olishimiz mumkin edi. Lekin imkoniyatlardan foydalan olmadik. "Nasaf" juda yaxshi jamoa. Ular qarshi hujumlarda juda xavfli. Jamoa sardori etakchi ekanligini ko'rsatdi. Endi o'zimizda bo'ladigan uchrashuvda g'alaba uchun harakat qilamiz, – dedi Zlatko Dalich. “Biz uch ochko olish uchun kelgandik. Shunda keyingi bosqich masalasini hal etardik. Afsuski,  birinchi gol o'tkazib yubordik. Shunga qaramay jamoa o'yinga qayta oldi. Biz o'z o'yinimizni namoyish eta oldik”, – deya qo'shima qildi Umar Abdulrahmon.  
— deya xabar beradi uff.uz nashri.