"Shalke" klubi hujumchisi Klas-Yan Xuntelaar "Ayaks" jamoasi rahbariyatining qiziqishlari doirasiga kirgan. Bu haqida Algemenn Dagblaad nashri xabar tarqatdi. Manbada aytilishicha, 32 yoshli gollandiyalik futbolchi yozgi transferlar mavsumi vaqtida amsterdamlik klub safiga qaytishi mumkin. Aytish joizki, Xuntelaarning “Shalke“ bilan amaldagi bitimi muddati 2017 yilning yozida o'z nihoyasiga etadi. Ushbu mavsumda, Xuntelaar Germaniya chempionatining 27 ta o'yinida maydonga tushib, to'qqizta gol hamda ikkita golli uzatmaga mualliflik qilgan.
— deya xabar beradi uff.uz nashri.