“Roma” jamoasi sobiq himoyachisi, braziliyalik Kafu hujumchi Franchesko Totti hamon yuqori professionalligini saqlab qolganini aytdi. Uning fikricha, 39 yoshli Totti o'zi istaganida faoliyatini yakunlaydi. “Totti – Tottiligicha qoladi. Vaqt hech kimni ayamaydi. Franchesko faoliyatini qachon yakunlashi kerak ekanini o'zi biladi. Uning o'rniga buni hal qila olmaymiz. Totti – chempion va unga o'xshagan futbolchilar faoliyatini yakunlashi alamlidir. Umid qilamanki, Totti o'z faoliyatini murabbiy yoki sport direktori sifatida davom ettiradi. Do'st sifatida unga omad tilab qolaman”, – deydi Kafu. Eslatib o'tamiz, braziliyalik sobiq himoyachi 1997-2003 yillar davomida “Roma” sharafini himoya qilgan edi.  
— deya xabar beradi uff.uz nashri.