“Roma” klubi yarim himoyachisi Miralem Pyanich faoliyatini “Pari Sen-Jermen” jamoasida davom ettirishi mumkin.
Parijliklar agar Marko Verrattini sotgudek bo'lishsa, 26 yoshli bosniyalik xavbekni taklif qilishmoqchi.
Aytish joizki, “Barselona” italiyalik futbolchi uchun 60 million evro to'lashga tayyor.
Pyanichning “PSJ”ga transferi 45 million evroga baholanmoqda. Aynan shu qiymat uning rimliklar bilan shartnomasi tovon puli sifatida ko'rsatilgan.
Avvalroq, Pyanichga “Chelsi” hamda “Bavariya” klublari tomonidan qiziqish borligi ma'lum bo'lgandi.
Ushbu mavsumda Pyanich Italiya chempionatining 29ta o'yinida 9ta gol hamda 10ta golli uzatmaga mualliflik qilgan.
— deya xabar beradi uff.uz nashri.