Shu yilning 13 – 30 oktyabr sanalarida bo'lib o'tadigan 19 yoshgacha bo'lgan futbolchilar o'rtasidagi Osiyo chempionatiga tayyorgarlik ko'rayotgan O'zbekiston yoshlar terma jamoasi aprel oyi yakunida yana bir yig'in o'tkazadi. Jasur Abduraimov boshchiligidagi O'zbekiston U-19 terma jamoasining navbatdagi yig'ini Saudiya Arabistonida tashkil etildi. O'quv-mashg'ulot yig'inlari doirasida Saudiya Arabistoni yoshlar terma jamoasiga qarshi ikki bor o'rtoqlik uchrashuvi o'tkazish rejalashtirilgan. Saudiya Arabistoni U-19 – O'zbekiston U-19 dastlabki uchrashuvi 28 aprel kuni o'tkazilsa, ikkinchi uchrashuv 30 aprel sanasiga mo'ljallangan. Har ikki uchrashuv Toshkent vaqti bilan soat 18:45da boshlanadi. Ushbu o'rtoqlik uchrashuvlari Saudiya Arabiston qirolligining Al-Xobar shahrida bo'lib o'tadi. Biz uchun quvonarlisi ushbu terma jamoa safida “Qo'qon-1912” jamoasi futbolchisi Oybek Rustamov ham Saudiya Arabistoni yig'iniga jo'nab ketdi. Biz Oybek va O'zbekiston terma jamoasiga omad tilaymiz. Yosh futbolchimizning vatanimiz sha'nini munosib himoya qilishiga ishonamiz.
— deya xabar beradi uff.uz nashri.