«Arsenal» bosh murabbiyi Arsen Venger «Vest Bromvich»ga qarshi kechgan bahsda muxlislar tashrifi kam bo'lganidan xafa bo'ldi. Uchrashuvda «Arsenal» 2:0 hisobida g'alaba qozonsa-da, londonlik ko'plab muxlislar stadionga kelmaslikka qaror qilgan edi.
- Har qanday murabbiy muxlislar xursandchiligini ko'rishni istaydi. Boz ustiga biz jon saqlash uchun emas, yuqori o'rinlar uchun kurashmoqdamiz. Shunday ekan, muxlislar xursand bo'lishlarini istaymiz va ular bu klub bilan faxrlansalar bo'ladi, deb o'ylayman.
Biz muxlislar jamoani qo'llashlarini, klub, qadriyatlar va barqaror natijalar bilan faxrlanishlarini istaymiz. Bizga shu narsalar etishmayapti. Ammo biz barchasini tushunib turibmiz va to'xtab qolish niyatimiz yo'q. Sportda yuqori saviyada bo'lish uchun hamma narsaga tayyor turish kerak, - deydi Venger.
— deya xabar beradi uff.uz nashri.