«Liverpul» va «Latsio» yozda o'zaro futbolchi almashishi mumkin.
Ayni vaqtda «Milan»da ijara asosida to'p surayotgan Mario Balotelli «Latsio»ga o'tishi mumkin. Bu hujumchi mersisaydliklar bosh murabbiyi Yurgen Kloppning rejalaridan o'rin olmagan va rahbariyat uni sotish yo'llarini qidirmoqda. O'z navbatida «Latsio» Balotellini o'z tarkibiga qo'shib olishga qarshi emas.
«Liverpul» esa «Latsio»ning markaziy yarim himoyachisi Lukas Bilyaga qiziqish bildirgan. O'ttiz yoshli futbolchi «Latsio» tomonidan 18 million evroga baholanmoqda. Shu sababli o'zaro futbolchi almashish har ikki klubga qo'l kelishi mumkin.
25 yoshli Balotelli joriy mavsum «Milan» safida 20 ta o'yinda maydonga tushgan va 3 ta gol urib, 1 ta golli uzatmani amalga oshirgan. Bilyaning hisobida esa 33 o'yinda 5 ta gol va 6 ta golli uzatma bor.
— deya xabar beradi uff.uz nashri.