Evropa kuchli beshlik chempionatlarida mavsum yakuniga etib bormoqda. Ko'pchilikni ushbu mavsumda “oltin butsa”ni kim qo'lga kiritishi ko'proq qiziqtirmoqda. Biz ushbu sovringa da'vogarlik qilayotgan futbolchilar haqida to'xtalib o'tamiz.
9-10. Per-Emerik Obameyyang (“Borussiya” D) – 23 gol (46 ochko)
Birinchi davraning yana bir qahramoni. Obameyang ham ikkinchi davrada sermahsulligini yo'qotdi va natijada Bundesliga to'purari bo'lish uchun imkoniyati ancha pasayib ketdi. Perning urgan gollari soni 23 ta.
9-10. Karim Benzema (“Real Madrid”) – 23 gol (46 ochko)
Benzema faoliyati davomidagi eng omadli mavsumni o'tkazmoqda. Frantsuz hujumchisining eng yaxshi natijasi 22 ta gol edi. Bu mavsumda esa u La Ligada raqiblar posbonlarini 23 bor ranjitib, shaxsiy rekordini yangiladi.
6-8. Garri Keyn (“Tottenxem”) – 24 gol (48 ochko)
Keyn bu mavsumda ham APL to'purari bo'lish uchun juda yaxshi imkoniyatga ega. Ingliz hujumchisi chempionatda 24 ta gol urgan holda, “Tottenxem”ning chempionlik uchun kurashishiga munosib hissa qo'shmoqda.
6-8. Lionel Messi (“Barselona) – 24 gol (48 ochko)
Leo sal kam ikki oyni jarohati bois, maydon tashqarisida o'tkazgan bo'lsa ham, ushbu mavsumda o'z hisobiga 24 ta gol yozidirib qo'ydi. Argentinalik hujumchi bu mavsumda jamoadagi etakchilikni boshqa futbolchiga berib qo'ydi.
6-8. Zlatan Ibragimovich (“PSJ”) – 32 gol (48 ochko)
Oldinlari Frantsiya chempionatida 17 yo 18 ta gol bilan ham to'purar bo'lish mumkin edi. Hozir ham shunday. Agar Liga1 da Zlatan bo'lmasa. 35 yoshli hujumchi mavsum davomida 32 ta gol urishga muvaffaq bo'ldi. Afsuski Frantsiya chempionati to'purarlariga 1,5 koeffitsient beriladi, aks holda Ibra "oltin butsa" uchun birinchi raqamli da'vogar bo'lar edi.
Davomi Furqat Yusupov blogida.
— deya xabar beradi uff.uz nashri.