Iordaniya U-16 ayollar terma jamoasi O'zbekistonga qarshi o'rtoqlik uchrashuvi o'tkazish maqsadida Toshkentga etib keldi. Avval xabar berganimizdek, O'zbekiston U-16 ayollar terma jamoasi 22 va 25 oktyabr kunlari Toshkentdagi "Jar" stadionida Iordaniya U-16 ayollar terma jamoasiga qarshi ikkita o'rtoqlik uchrashuvi o'tkazadi. O'yinlar 14:00da boshlanadi.
Iordaniya U-16 ayollar terma jamoasi Toshkentga etib keldi
O'zbekiston U-16 terma jamoasi 19 oktyabr kuni yig'inga kirdi va yig'in 25 oktyabrga qadar davom etadi, deya xabar beradi O'FF rasmiy sayti.
Ta'kidlash kerakki, Baxrom Norsafarov boshchiligidagi O'zbekiston U-16 ayollar terma jamoasi Osiyo chempionati final bosqichiga tayyorgarlik ko'rmoqda. Ushbu turnir 4 — 15 noyabr kunlari Xitoyda bo'lib o'tadi. Qur'a natijalariga ko'ra O'zbekiston "V" guruhidan o'rin olgan. Guruhda yana Yaponiya, KXDR, Tayvan bor. Shuningdek, "A" guruhidan Xitoy, Eron, Tailand, Janubiy Koreya terma jamoalari o'rin olgan.
Eslatib o'tamiz, ushbu yosh doirasida amaldagi Osiyo chempioni — Yaponiya.
Yaponiya, Xitoy, KXDR hamda Tailand jamoalari chempionatga avvalgi qit'a birinchiligi yakuniga ko'ra to'g'ridan-to'g'ri yo'llanmani qo'lga kiritgandi. O'z navbatida O'zbekiston, Eron, Janubiy Koreya va Xitoy Taypey jamoalari Osiyo chempionatiga saralash bosqichlaridagi muvaffaqiyatli ishtiroki orqali yo'l oldi.
Davomi Dmitriy Mixaylovich blogida.
— deya xabar beradi uff.uz nashri.