Oliy Liga 6-turidan o'rin olgan "Buxoro" – "Nasaf" (0:2) uchrashuvidan keyin  matbuot anjumani bo'lib o'tdi. Matbuot anjumanining birinchi qismida jamoamiz bosh murabbiyi Ro'ziqul Berdiev ishtirok etdi. “Uchrashuv ajoyib muhitda o'tdi. O'yinga keladigan bo'lsak, “Buxoro”ni chuqur o'rgangan edik. Mazkur bahsga taktik sxemamizni biroz o'zgartirib, beshta yarim himoyachi bilan harakat qildik. Yigitlarning g'alabaga bulgan ishtiyoqi kuchliroq edi. Bu taktika ish berdi. Oldingi yilgiga qaraganda bu yil “Buxoro” ancha jiddiy,  maqsadi yuqori jamoa ekanligi ko'rinib turibdi. Ular yuqori o'rinlar uchun kurashishga qodir. Bu tarkib bilan buni amallasa bo'ladi. O'yinni topib olishi uchun vaqt kerak. Oxirgi yillarda klubimiz siyosati – o'z futbol maktabidan iqtidorli yoshlarni chiqarish, ularga imkon berish. Ular ham qaysidir ma'noda o'zini oqlayapti. Boydullaev va Shomurodovning ahvoli? Albatta bugun ularning o'rni juda bilindi. Shomurodov davolanmoqda. Keyingi uyinda safimizga qo'shiladi. Erkin eski jarohatini yangilab olgan. Gevorkyan qizil kartochka tufayli bugungi o'yinni o'tkazib yubordi. Bu futbolchilar bilan Sayfiev va Hamrobekov safimizga qaytsa, o'yinimiz yanada kuchayishi aniq”, – dedi “Nasaf”  ustozi. 
— deya xabar beradi uff.uz nashri.