Oliy Liga 6-turidan o'rin olgan "Olmaliq" - "Navbahor" (2:1) jamoalari o'rtasidagi uchrashuvdan so'ng o'tkazilgan matbuot anjumanida “lochinlar” ustozi Rashid G'ofurov ishtirok etdi. “Oldin ham aytganman, bizning jamoa yangi shakllangan hisoblanadi. Har gal shu gapni takrorlash kimgadir yoqmasligi mumkin, lekin hozir jamoamizning muvaffaqiyatsizligiga bu jixat o'z ta'sirini o'tkazmoqda. Tarkibda hamjixatlikni yaratishimiz uchun ko'proq birga shug'ullanishimiz kerak. 17 ta futbolchini birdaniga maydonga chiqarib ijobiy natija ko'rsatish qiyin masala deb o'ylayman. Bugun agarda ikkinchi bo'limda namoyish etgan o'yinimizni birinchi taymda ko'rsatganimizda, nafaqat durang, balki g'alaba bilan ham ortimizga qaytishimiz ham mumkin edi. Birinchi bo'limda tezkor gol o'tkazib yuborganimiz yigitlarni tushkunlikka tushirib qo'ydi. Ikkinchi bo'limda o'yin borasida yutdik, lekin shunday o'yinni uchrashuvning birinchi yarmida kutgandik. Birinchi bo'limda sovuqqonlik va xotirjamlik bizga etishmadi. Futbolchilarga ilk 15 daqiqa ichida to'pni nazorat qilish lozimligini, shunda o'yin bosimi pasayib barchasi o'z iziga tushini  ta'kidlagandim. Agar aytganlarimni bajarishganida, tezkor golni qo'yib yubormagan bo'lar edik”, – deydi “Navbahor” ustozi.  
— deya xabar beradi uff.uz nashri.