Oliy Liga 6-turidan o'rin olgan “Paxtakor” – “Metallurg” (2:1) o'yindan keyingi matbuot anjumanida “Metallurg” jamoasi boshlig'i Shavkat Saidov o'yin haqida o'z fikrlarini bildirib o'tdi. “Birinchi bo'limda himoyada tartibli o'ynadik. Hujumda esa texnik xatolarga yo'l qo'ydik. Dastlabki 45 daqiqa ichida golli vaziyatlar yarata olmadik. Tanaffusdan so'ng hujumda tezkorlik paydo bo'ldi. Himoyada esa ikki vaziyatda Sergeev va Karimovni bo'sh qoldirdik, bu bizga pand berdi. Shu bois bugun uch ochkoni qo'ldan boy berdik. "Paxtakor" jamoasining bir nechta o'yinlarini kuzatgandik. Sergeev, Masharipov, Karimov singari futbolchilarni qanchalik xavfli ekanligini bilardik. Ammo Karimovning goli vaqtida himoyachimiz o'z futbolchisini yopishga kech qoldi”, – deydi Shavkat Saidov. 
— deya xabar beradi uff.uz nashri.