«Lester Siti» jamoasi hujumchisi Jeymi Vardi «Manchester Yunayted»ga qarshi Angliya chempionati 35-turini o'tkazib yuboradi. Bu haqida The Telegraph nashri xabar bermoqda. Manbaning ta'kidlashicha, Angliya futbol uyushmasi (FA) Vardining diskvalifikatsiyasini yana bir o'yinga cho'zishga qaror qildi. 29 yoshli hujumchi “Vest Xem”ga qarshi (2:2) Angliya chempionati 34-turida qizil kartochka olganidan so'ng hakamga e'tiroz berib, unga noma'qbul so'zlar ishlatgani uchun shunday qororga kelindi. Shuningdek, Vardi 10 ming funt sterling miqdorida jarima to'lashi kerak bo'ladi. Qayd etish kerakki, “Lester” “MYu”ga qarshi o'yinda g'alaba qozonsa, Angliya chempioniga aylanadi. 
— deya xabar beradi uff.uz nashri.