“Bayer” jamoasi hujumchisi Xaver Ernandesning ma'lum qilishicha, o'tgan yili yozda uni bir qator Italiya klublari sotib olmoqchi bo'lishgan. “O'tgan yozda meni “Yuventus”, “Inter” va “Milan” klublari sotib olmoqchi bo'lishgandi. Men esa EChLda ishtirok etish uchun “Bayer”ni tanladim. Ular meni yuqori natijalarga erishishimga ishontirishgandi. Bunday so'zlar mening yuzimga tabassum keltirdi. “Bayer”da menga kerak bo'lgan barcha narsa bor va shartnomam 2018 yilga qadar davom etadi”, – dedi meksikalik futbolchi. Joriy mavsumda Ernandes Germaniya chempionatining 26 o'yinida maydonga tushib, 17 ta gol kiritishga muvaffaq bo'ldi. 
— deya xabar beradi uff.uz nashri.