Chempionlar ligasi yarim finalida "Manchester Siti" va "Real" o'rtasida kechgan uchrashuv 0:0 hisobida durang bilan yakuniga etdi.
Bu uchrashuv "Manchester Siti" hujumchisi Serxio Aguero uchun "Real"ga qarshi kechgan 13-o'yin bo'ldi. E'tiborli tomoni, argentinalik hujumchi biror marta "Real"ni mag'lubiyatga uchratishni uddalay olmagan. Besh uchrashuvda durang qayd etilgan bo'lsa, sakkiztasida tarkibida Aguero bo'lgan jamoa mag'lubiyatga uchragan.
Shu bilan birga Serxio Aguero to'rt marta "Real" darvozasiga gol urishni uddalay olgan. Argentinalik hujumchi "Real"dan tashqari faqat ikki jamoa - "Barselona" va "Liverpul"ga qarshi ko'p maydonga tushgan. Bu klublarga qarshi 14 o'yin o'tkazilgan.
— deya xabar beradi uff.uz nashri.