Yoshlar ligasining 26-turida yoshlar jamoamiz "Bunyodkor"ni safarda 3:2 hisobida mag'lubiyatga uchratishdi.
Uchrashuvni futbolchilarimiz keskin hujumlar bilan boshlashdi va tez orada ikki bor raqib darvozasiga to'p kiritishdi. Dastlab To'raev qaytargan to'pni Rogovanov darvozaga yo'llagan bo'lsa, keyin Sherzod Karimov Rogovanov bilan kombinatsiyadan keyin ikkinchi gol muallifiga aylandi. 22-daqiqada Namozovning murakkab bo'lmagan zarbasini qaytarishda Ribkin xatoga yo'l qo'ydi va hisob qisqardi. Bo'lim oxirigacha ikki bor oradagi farqni oshirish uchun ajoyib imkoniyatlar yuzaga keldi, biroq ketma-ket berilgan zarbalar yo'liga mezbonlar to'siq bo'lishdi.
Ikkinchi bo'limni "Bunyodkor" faolroq boshladi. 63-daqiqada Esonqulov to'pni Ribkinning ustidan oshirib tashladi. Oradan 7 daqiqa o'tgach, zaxiradan maydonga tushirilgan Tolipov yaqin masofadan darvozani ishg'ol qildi. Ushbu natija o'yin oxirigacha o'zgarmadi. Muhim yutuqqa erishgan yoshlarimiz "Bunyodkor" bilan farqni 1 ochkogacha qisqartirishdi.
"Bunyodkor" - "Paxtakor" - 2:3 (1:2)
Bosh hakam: K.Rasulov (Qarshi).
"Bunyodkor": To'raev, Qosimov (Nuriev, 76), Qobilov, Qahramonov, Purak, Ismoilov (Pogosov, 46), G'iyosov, Mavlonov (Bekrich, 46), Azimov (Esonqulov, 55), Namozov (Abdurahimov, 73), Rahimov.
"Paxtakor": Ribkin, Yo'ldoshev, Avilov, Otaxonov, Isroilov, Yusupov, Mirzaev (Ibrohimov, 78), Sh.Karimov (Nurullaev, 90+3), Sidiqov, Rogovanov (I.Karimov, 57), Pardaev (Tolipov, 46; Sidorov, 89).
Gollar: Rogovanov, 3 - 0:1. Sh.Karimov, 16 - 0:2. Namozov, 22 - 1:2. Esonqulov, 63 - 2:2. Tolipov, 70 - 2:3.
Ogohlantirishlar: Namozov, 5. Mirzaev, 42. Tolipov, 51. Esonqulov, 60. Purak, 62.
— deya xabar beradi uff.uz nashri.