Ispaniya futbol federatsiyasi intizom qo'mitasi «Atletiko» bosh murabbiyi Diego Simeoneni 3 ta o'yinga diskvalifikatsiya qilindi.
Bunga sabab sifatida murabbiy Ispaniya chempionati 35-turida «Malaga»ga qarshi kechgan bahsda nojoiz harakat qilgani ko'rsatilmoqda. Simeone o'sha o'yinda «Malaga» xavfli hujum tashkil etayotganda to'pni uzatib turadigan bollboyga to'pni maydonga otib yuborishni aytgan. Oqibatda o'sha hujum to'xtab qolgandi.
O'yin vaqtida hakam Antonio Migel Mateu Laos argentinalik murabbiyni zaxira o'rindig'idan chetlatgan. «Atletiko» rahbariyati bolakay to'pni o'z ixtiyoriga ko'ra maydonga uloqtirganini ta'kidlagan edi. Ammo intizom qo'mitasi bu javobni qabul qilmadi.
Shu tariqa Simeone uchta o'yinga chetlatildi va mavsum oxiriga qadar zaxira o'rindig'ida bo'lmaydi.
— deya xabar beradi uff.uz nashri.