Madridning “Real” jamoasi hujumchisi Xese Rodriges jarohati tufayli “Real Sosedad”ga qarshi Ispaniya chempionati 36-tur uchrashuvni o'tkazib yuborishi mumkin, deb xabar bermoqda Sport.es. Manbaning ta'kidlashicha, Xese “Manchester Siti”ga qarshi (0:0) EChL yarim final dastlabki o'yinida jarohat oldi va bo'lajak o'yinlarda madridliklarga  yordam bera olmaydi. Shuningdek, Karim Benzema ham “Manchester Siti” bilan o'yinda jarohat olib, tanaffus vaqtida zaxiraga olingandi. Uning navbatdagi turda maydonga tushishi so'roq ostida qolmoqda.  Avvalroq esa Krishtianu Ronaldu “Vilyarreal”ga (3:0) qarshi uchrashuvning so'nggi daqiqalarida son qismidan jarohat olib, maydonni majburan tark etgandi. Portugaliyalik “Rayo Valekano” va “Manchester Siti” bilan o'yinda ishtirok etmadi. 
— deya xabar beradi uff.uz nashri.