Frantsiyaning “Lion” jamoasi hujumchisi Aleksandr Lyakazett o'z faoliyatini Ispaniyada davom ettirishi mumkin, deb xabar bermoqda Lequipe. Ma'lum bo'lishicha, “Barselona” jamoasi 24 yoshli futbolchiga qiziqish bildirgan. Kataloniyaliklar Lyakazettni Messi-Suares-Neymar triosi vakillari muammoga duch kelganida o'rnini bosa oladigan futbolchi sifatida e'tirof etmoqda. Avvalroq kataloniyaliklar “Sevilya” hujumchisi Kevin Gameyroni sotib olmoqchi edi, lekin ular bor e'tiborni frantsiyalik futbolchiga qaratadi. Aleksandr Lyakazett joriy mavsumda 40 o'yinda maydonga tushib, 20 ta gol va 4 ta golli uzatma muallifi bo'ldi. 
— deya xabar beradi uff.uz nashri.