Xitoylik serhimmat klublar taklif etgan behisob puldan voz kechgan futbolchilar. Ha, ma'lum bo'lishicha, zamonaviy futbolda pul barchasini sotib olishga imkon bermaydi, baribir. Hattoki, hisobsiz xazina sohiblari - Xitoy klublari ham bu nuqtada ojizlikni sezishadi. Quyidagi fotogalereya bunga dalolat.
2015 yil dekabr
30 yoshli Ueyn Runi «Shanxay Telleys»ning 3 yillik shartnomasidan voz kechdi. Vaholanki, xitoyliklar faxriy hujumchiga yiliga 25 mln. funt berishga tayyor ekanliklarini bildirishgandi.
2015 yil dekabr
Luchano Spaletti «Pekin Guoan»ning 2 yillik shartnoma haqidagi taklifini qabul qilmadi. Agar u Xitoyda ishlashga ko'nganida yiliga 12 mln. evro olardi.
2016 yil yanvar
«Chelsi» klubi rahbariyati o'yini uncha qovushmayotgan Oskarni «Jiangsu Sunin» klubiga qo'yib yuborishni istamadi. Binobarin, transfer uchun 75 mln. funt taklif etilgandi.
2016 yil fevral
33 yoshliAlvaro Arbeloa yiliga 8 mln. evrolik maoshdan ko'z yumdi. «Shanxay Shenxua» klubi unga shuncha bermoqchi edi.
2016 yil fevral
Xitoy klublaridan biri 29 yoshli Naniga bir yillik xizmati uchun 10 mln. evro berishni ma'lum qildi. Biroq futbolchi bu pullarga uchmadi.
2016 yil fevral
26 yoshli Odion Igalo xitoyliklardan ajoyib taklif oldi: 4 yillik shartnoma va oyiga 300 ming funt miqdorida maosh. Ammo u APLda javlon urishni ma'qul ko'rdi.
Davomi InterFUTBOL gazetasi blogida.
— deya xabar beradi uff.uz nashri.