"Liverpul" klubi arbitraj sud qaroriga ko'ra hujumchi Denni Ings uchun "Bernli"ga 6,5 million funt to'lashi lozim. Hujumchi 2015 yilning yozida "Liverpul"ga erkin agent maqomida o'tgan edi.
"Liverpul" "Bernli"ga Ings uchun tovon puli to'lashga rozi bo'lgan, ammo tomonlar uning miqdori borasida bir qarorga kela olmaganlar. Mersisaydliklar 4 million funt taklif qilganlar, ammo "Bernli" 12 million funt talab qilgan.
Oxir oqibat sud "Liverpul"ga 6,5 million funt to'lashni shart qilib qo'ydi va yana 1,5 million funt sterling Ingsning o'yini muvaffaqiyatli chiqqan taqdirda mukofot puli tariqasida "Bernli" hisobiga o'tkazib berilishi lozim. Shuningdek hujumchining futbolkasi savdosidan tushadigan pulning 20 foizi ham "Bernli"ga tegishli.
Eslatib o'tamiz, Denni Ings dekabr oyida tizzasidan og'ir jarohat olgan va mavsum oxiriga qadar safdan chiqqan edi.
— deya xabar beradi uff.uz nashri.