Xabaringiz bor, kecha O'zbekiston Birinchiligida 6-tur o'yinlariga start berildi va “Yozyovon-Lochinlari” “Oq-tepa”ga qarshi bahs yuritib, 3:1 hisobida g'alaba qozondi.
Yozyovonliklar ustozi Islom Ismoilov mazkur match borasida quyidagilarni ta'kidladi.
- "Oq-tepa"ga qarshi uchrashuvga qolgan o'yinlarga qanday tayyorlangan bo'lsak shunday tayyorgarlik olib bordik. Shaxsan o'zim toshkentliklarga qarshi birinchi marta murabbiy sifatida ro'baro' kelyapman. Shuning uchun ular haqida bizda ko'p ma'lumot yo'q edi. Ularning o'yinlari tushirilgan videolar ham bizda yo'qligi bois, bu uchrashuvga xar doimgidek tayyorgarlik olib bordik. Ular tarkibida Oliy liga xavosini ko'rgan tajribali o'yinchilari bor. Shuning uchun jamoani yaxshi shakllangan deya bemalol aytaveraman.
- O'yinga keladigan bo'lsak, bizni yigitlarda ishtiyoq yuqoriligi evaziga g'alaba qozonishga muvaffaq bo'ldik.
- Uchrashuvdagi g'alabani kutgandim. Sababi bizning raxbarlar doimo Quvasoyning "Tsementchi" jamoasi bilan taqqoslab kelishadi. Men ularga bu solishtirish noto'g'riligi doimo ta'kidlab kelaman. Quvasoyliklardagi sharoitlar, moliyaviy axvoli bizga qaraganda ancha yuqori. Buni rahbarlarga tushuntirishga harakat qilaman. Bu – futbol. Har bir rahbar jamoasining doimo g'alaba qozonishini istaydi. "Tsementchi" o'z maydonida "Oqtepa" ni yutgandan keyin raxbarlarimiz oldimga kelib, biz ham yutsak bo'larkan deb aytishdi. O'yindan oldin bizni oldimizga g'alaba qozonishni vazifa qilib qo'yishgandi. Shu turgacha xech bir jamoaga o'yin borasida yutkazmayapsiz. Shuning uchun bu o'yindagi g'alabaga to'liq ishongandim. Avvalgi o'yindagi g'alabadan keyin shogirdlarimda o'ziga bo'lgan ishonch ortgandi. "Oqtepa"ga qarshi uchrashuvda o'ylab qo'ygan rejalarimiz amalga oshdi. Shogirdlarim berilgan ko'rsatmalarni to'liq ado etishdi.
Davomi Sports.Uz blogida.
— deya xabar beradi uff.uz nashri.