Italiyalik hujumchi Antonio Di Natale joriy mavsum yakunida “Udizene” klubini tark etishini ma'lum qildi. Lekin u faoliyatini yakunlash niyatida emas. 38 yoshli hujumchi 2004 yildan buyon Udine klubi sharafini himoya qilib kelmoqda. Ushbu vaqt davomida u 439 o'yinda maydonga tushib, 226 ta gol kiritishga muvaffaq bo'lgan. Di Natale Italiya A Seriyasi tarixidagi to'purarlar orasida oltinchi o'rinda bormoqda. “Udineze”dagi faoliyatim haqida film suratga olsa bo'ladi. Ammo men endi bu erda asosiy qahramon emasman. Boshimni yuqoriga ko'targan holda ketaman. Bu faoliyatimdagi eng yaxshi 12 yil bo'ldi. Futbolni tark etmayman. Hali ko'p rejalarim bor”, – deydi italiyalik faxriy futbolchi. 
— deya xabar beradi uff.uz nashri.