“Bunyodkor” – “Paxtakor” uchrashuvidan keyingi tashkil etilgan matbuot anjumanining ikkinchi qismida “sherlar” ustozi Grigoriy Kolosovskiy qatnashdi. - Qiziqarli uchrashuv bo'ldi. Birinchi bo'limda to'pni ko'proq nazorat qildik va ustunlik biz tomonda bo'ldi. O'ylashimcha, dastlabki taymdagi harakatlarimiz muxlislarimizga manzur bo'ldi. Biroq tanaffusdan keyin himoyachilarimiz tomonidan qo'l qo'yilgan xatolar qimmatga tushdi. “Bunyodkor” ikkinchi taymni yaxshi o'tkazdi va haqli ravishda g'alaba qozondi. G'alaba bilan “Bunyodkor”ni tabriklayman. Biz yo'l qo'ygan xatolar ustida ishlaymiz va keyingi uchrashuvlarda buni takrorlamaslikka harakat qilamiz. Yana uch kundan so'ng Osiyo Chempionlar ligasida “Al-Jazira”ga qarshi bahs o'tkazamiz. Ana shu uchrashuvgacha yigitlarni tiklashimiz va g'alaba sari ruhlantirishimiz kerak. Chempionlar ligasidagi g'alaba nafaqat biz uchun balki butun O'zbek futboli uchun muhimdir, - dedi “Paxtakor” ustozi Grigoriy Kolosovskiy.
— deya xabar beradi uff.uz nashri.