Oliy liga 7-turidan o'rin olgan “Navbahor” va “Obod” (2:1) jamoalari o'rtasidagi uchrashuv yakuniga etgach, har ikki jamoa murabbiylari o'rtasida matbuot anjumani bo'lib o'tdi. Dastlab jurnalistlarning savollariga Bobur Zuhriddinov javob qaytardi. “Avvalambor Namangan ahli va “Navbahor” jamoasi a'zolarini tabriklayman. Keyingi uchrashuvlarda ham namanganliklarga omad tilab qolaman. O'yin borasida gap ketganida, shiddatli, kurashlarga boy bahs bo'ldi. Ozgina omad etishmaganligi sababli mag'lubiyatga uchradik. Sariq kartochkalarning ko'pligi o'yinni shiddati bilan bog'liq bo'ldi deb o'ylayman. O'yin tempi yuqori bo'lganligi sababli futbolchilar ayrim vaziyatlarda to'pga eta olmay qoidani buzishdi. Jamoamiz a'zolariga ogohlantirishlar bo'yicha tanbehlarni bermoqdamiz. Kelgusida ham kartochkalarni kamroq bo'lishi borasida ish yuritamiz. Vaziyatlar paytida to'g'ri qaror qabul qilish borasida kamchiliklar kuzatildi. Bundan tashqari olis masofalardan zarba berishlar ham bugun kam bo'ldi. Balki murabbiy sifatida tajriba etishmayotganligi ham ehtimoldan holi emas”, – deydi toshkentliklar ustozi.
— deya xabar beradi uff.uz nashri.