«Nasaf» Osiyo chempionlar ligasi guruh bosqichining so'nggi 6-tur uchrashuvini Birlashgan Arab Amirligining Al-Ayn shahri “Al-Ayn” jamosiga qarshi o'tkazishidan xabaringiz bor.
Bugun ertalab “Nasaf” professional futbol klubi rasmiy delegatsiyasi va jamoa murabbiylari hamda futbolchilari Toshkentdan BAAning Sharja shahriga yo'l olishdi.
«Nasaf» delegatsiyasi uch soatdan ko'proq parvozdan so'ng Sharja shahriga etib borishadi va u erdan Al-Ayn shahriga qarab yo'l olishadi. Al-Ayn shahridagi  o'zlari uchun ajratilgan “Hili Rayhaan by Rotana Hotel” mehmonxonasiga joylashishadi.
Jamoa bosh murabbiyi Ro'ziqul Berdiev “Al-Ayn” jamoasiga qarshi uchrashuvga 25 nafar futbolchini olib ketgan. Eslatib o'tamiz, “Al-Ayn” – “Nasaf” uchrashuvi 3 may seshanba kuni bizning vaqt bilan soat 21:30da boshlanadi.
— deya xabar beradi uff.uz nashri.