"Yuventus" klubi va Italiya terma jamoasining 38 yoshli darvozaboni Janluijji Buffon faoliyatini yakunlash haqida fikr bildirarkan, hali Chempionlar ligasida g'alaba qozonish niyati borligini aytib o'tdi.
"Individual sovrinlar yutib olish vaqti ortda qoldi. Hozir men klubim va yurtim uchun g'alabalar qozonish haqida o'ylamoqdaman. Chempionlar ligasi uchun kurash davom etadi. Menda hali bu musobaqada g'olib chiqish uchun ikki yil vaqt bor.
Imkoniyatlar u qadar ko'p emasligini inobatga olsak, keyinchalik afsuslanib qolmaslik uchun bor kuch bilan harakat qilish kerak. Faoliyatimni yakunlagach nima qilaman? Men murabbiy bo'lgandan ko'ra rahbariyatda ishlashni ma'qul ko'raman. Men 20 yildan buyon professional futboldaman va direktorlik lavozimi menga ko'proq ma'qul keladi, deb o'ylayman", - deydi Buffon.
— deya xabar beradi uff.uz nashri.