1news.uz — Toshkentda o'tayotgan Osiyo chempionatining eng so'nggi – erkaklar o'rtasida +105 kg vaznli polvonlar ishtirokidagi bahslarga e'tibor qaratamiz. Ushbu vaznda qit'amizning eng etakchi 11 atleti qayd etilgan edi.
Osiyo chempionatida 4-o'rin sohibi, jahon chempionati ishtirokchisi, 23 yoshli, 145 kgli Rustam Jangaboev, Osiyo va jahon chempioni, Butunjahon universiadasi g'olibi, London-2012 Olimpiadasi 4-o'rin sohibi 110 kgli Ruslan Nuriddinov Vatanimiz sharafini himoya qilib supachaga ko'tarilishdi. B
undan tashqari, o'tgan yilgi Osiyo chempioni, Osiyo o'yinlari ishtirokchisi, Xitoy Taypeyi vakili, 152 kg li Shi Chie Chen, yoshlar o'rtasida Osiyo chempioni, Osiyo va jahon chempionati ishtirokchisi, turkmanistonlik 144 kgli Hojimuhammad To'ychiev, Osiyo chempionati ishtirokchisi, suriyalik 142 kgli Man Asad kabi nomdor polvonlar bor edi. Bekorga sportchilarning vazniga e'tibor qaratganimiz yo'q. Natija qayd etishda albatta, shaxsiy vaznning ham ta'siri bor. Ko'rib turganingizdek, jahon chempioni Ruslan Nuriddinov raqiblari orasida eng engili edi. Dast ko'tarish mashqlarida Rustam Jangaboev 175 kg bilan chiqishini boshladi. Shuningdek, 180 va 184 kglik buyurtmalarni ham to'laqonli bajardi. Bu ko'rsatkich unga kuchli beshtalikdan joy olishni ta'minladi.
Turkmaniston polvoni buyurtmalarni shahd bilan ko'tarib bordi, 175, 185 va 190 kg toshlarni bo'ysindirishga muvaffaq bo'ldi. Shi Chie Chen uni ortda qoldirishga muvaffaq bo'ldi. 182, 187 va 191 kglik buyurtmalarni ikkilanishsiz bajardi va ushbu mashq yakuniga ko'ra 2-o'rindan joy egalladi. Muxlislar hamyurtimiz Ruslan Nuriddinovning chiqishlarini ancha sog'inib qolishgan ekan. Sportchimiz esa ishonchni oqladi. Barcha urinishlarni xatosiz bajardi. Birin-ketin 183, 188 va 191 kg bo'ysindirildi. Asosiy ta'qibchisi bilan bir xil tosh ko'targan Ruslanning vazni engilligi inobatga olinadi – 1-o'rin.
Davomi 1News.Uz blogida.
— deya xabar beradi uff.uz nashri.