2016 yilning 6-8 may kunlari Ozarbayjon poytaxti Boku shahrida dzyudo kurashi bo'yicha “Ulkan toj” turkumiga kiruvchi yirik xalqaro turnir o'tkaziladi. Mazkur xalqaro turnirda “Rio-2016” o'yinlarining yo'llanmalari uchun reyting ochkolar ham o'ynaladi.
Dunyoning 80 dan ziyod davlat vakillari ishtirokida o'tadigan ushbu nufuzli musobaqada Vatanimiz sharafini Sharofiddin Lutfullaev (-60 kg), Diyorbek O'rozboev (-60 kg), Mirali Sharipov (-73 kg), G'iyosjon Boboev (-73 kg), Shahzodbek Sobirov (-81 kg), Yahyo Imomov (-81 kg), Sherali Jo'raev (-90 kg), Ramziddin Saidov (-100 kg), Soib Qurbonov (-100 kg), Abdullo Tangriev (+100 kg) va Gulnoza Matniyozova (-70 kg) himoya qiladilar.
Sportchilarimizga bo'lajak musobaqada ham omad va zafarlar tilab qolamiz. Shavkat Jalilov O'zbekiston Milliy Olimpiya qo'mitasi
matbuot xizmati
— deya xabar beradi uff.uz nashri.