Futbol o'yini juda qiziq. Bugun g'alaba qozonsang, ertaga mag'lubiyatga uchrashing tayin. Futbol olamida mag'lubiyatga uchramagan jamoaning o'zi yo'q. Hatto mashhur klublar ham raqib oldida bosh egishga majbur bo'lishadi. Bu – futbolning yozilmagan qonuni. Ayni damda “Qo'qon-1912” jamoasi mag'lubiyatlar girdobida qolib ketdi. Jamoamiz so'nggi to'rtta uchrashuvda raqiblarga imkoniyatni boy berib qo'ydi. Lekin bu bilan hayot to'xtab qolgani yo'q. Mavsumning asosiy qismi hali oldinda. Hozirda murabbiylar shtabi jamoamizni yuzaga kelgan qiyin vaziyatdan olib chiqish uchun bor kuchlarini ishga solishmoqda. Oldinda bizni qiyin o'yinlar kutib turibdi. Tayyorgarlik rejasi ham shunga monand ravishda tuzib chiqilmoqda. Bekoboddagi o'yindan keyin futbolchilarga qisqa muddatli ta'til berildi. Jamoamiz a'zolari 3 may kuniga qadar dam olishadi. Ertadan esa “Bunyodkor”ga qarshi kechadigan uchrashuvga tayyorgarlik boshlanadi. Navbatdagi bahsda vakillarimizga omad tilab qolamiz.
— deya xabar beradi uff.uz nashri.