Bugun «Nasaf» uchun muhim o'yin bo'lib o'tadi. Osiyo chempionlar ligasi guruh bosqichining so'nggi 6-tur uchrashuvida “Nasaf” Birlashgan Arab Amirligining Al-Ayn shahrida “Al-Ayn” jamoasiga qarshi maydonga tushadi.
Uchrashuv "Hazza bin Zayed Stadium"da bizning vaqt bilan soat 21:30da boshlanadi. Mazkur uchrashuv Sport telekanali orqali to'g'ridan-to'g'ri translyatsiya ham qilinadi.
Jamoa kecha ushbu stadionda o'yinoldi rasmiy mashg'ulotini o'tkazdi. Rasmiy mashg'ulotdan olingan suratlarni «Nasaf» saytining “Media” bo'limi orqali tomosha qilishingiz mumkin. Mashg'ulot ko'tarinki kayfiyatda o'tdi. Hammaning kayfiyati a'lo darajada, jamoa to'liq o'yinga shay.
Osiyo chempionlar ligasi-2016 6-tur.
03.05.2016. Al-Ayn sh., "Hazza bin Zayed Stadium". Soat 21:30da
“Al-Ayn” (BAA) – “Nasaf” (O'zbekiston)
Bosh hakam: Todjo Minoru (Yaponiya)
Qanot hakamlari: Otsuka Haruhiro, Yagi Akanelar (barchasi Yaponiyadan)
To'rtinchi hakam: Poyam Haydari (Eron)
Uchrashuv komissari: Nosir Darvesh Alg'offori (Iordaniya)
— deya xabar beradi uff.uz nashri.