Osiyo chempionlar ligasi "D" guruhi 6-turida “Al-Ayn” o'z maydonida Qarshining “Nasaf” futbolchilarini qabul qiladi. Ushbu uchrashuvda maydonga tushadigan futbolchilar nomi ma'lum bo'ldi. Ushbu sahifa orqali uchrashuvni LIVE tarzida kuzatib borish imkoniyatiga ega bo'lasiz. Hozircha tarkiblar bilan tanishing.  OChL-2016. "D" guruhi, 6-tur “Al-Ayn” — “Nasaf” 2:0 (Tugadi) “Al-Ayn”: Isa, Ahmad, Bastos, Duglas, Umar Abdulrahmon, Abdulraxman, Salim, Ahmed, Myung-Su, Fayoz, Asprilla. “Nasaf”: Suyunov, Karimov, Mamakazin, Muhammadiev, Rahmatullaev, Abdurahimov, Boydullaev, Allaniyozov, A'zamov, Rahmatov, Abduxoliqov.  1'. Urchashuv boshlandi. Mezbonlar to'pni o'yinga kiritib berishdi. 2'. To'pni o'yinga kiritib berishi bilan hujumga o'tgan "Al-Ayn" sal bo'lmasa Eldor Suyunov qo'riqlayotgan darvozani ishg'ol qilishi mumkin edi.   4'. Ustunlik raqib futbolchilarida. "Nasaf" biroz sust harakat qilmoqda.   6'. Erkin zarba bilan to'pni Eldor Suyunov o'yinga kiritib berdi. Kurash asosan maydon markazida bo'lmoqda. 9' O'yin anchagina zerikarli o'tmoqda. Har ikki jamoa ehtiyotkorlik bilan harakat qilyapti.  11'. "Nasaf" futbolchilari burchakdan to'pni o'yinga kiritib berdi. Standart vaziyat samarasiz yakunlandi. 13'. Umar Abdulrahmon xavfli hujum tashkil qildi. Sal bo'lmasa gol bo'lardi.  14'. Abduxoliqovga nisbatan o'yin qoidasi buzilgandi. Hakam buni e'tiborga olmadi. 19'. "Al-Ayn"ning chap qanotdan uyushtirgan hujumini "Nasaf" himoyachilari bartaraf etishdi.  21'. Maydon markazida to'p uchun kurash. Raqib futbolchilari aniqroq harakat qilib, to'pni egallab olishdi. 24'. Eldor Suyunov raqib zarbasini qaytarishga muvaffaq bo'ldi. "Nasaf" posboni to'p yo'nalishini o'zgartirmaganida hujum bundanda xavfli ko'rinish olishi va gol bilan yakun topishi mumkin edi.  25'. Xavfli vaziyat!!! Baxtimizga Umar Abdulrahmonning zarbasi noaniq chiqdi.   28'. Zarbalar berish bo'yicha "Al-Ayn" oldinda — 6:0. Qarshiliklar biror marta ham zarba berishga ulgurmabdi ham.  34'. "Ay-Ayn" futbolchisi o'yindan tashqari holatda qolib ketdi.  36'. "Nasaf"da majburiy o'zgarish: Sherzod A'zamov o'rniga maydonga Ilhom Rashidxonov tushdi.  38'. GOL! Asprilla hisobni ochdi, 1:0.  43'. "Nasaf"ning hujumlari o'ta samarasiz va tushunarsiz bo'lmoqda.  45+2'. Birinchi bo'lim yakunlandi. Tanaffus!  46'. Ikkinchi bo'lim boshlandi. 47'. Birinchi bo'limdagi singari bu safar ham "Ay-Ayn" darrov hujumga otlandi. Raqib hujumini qarshiliklar qaytarishdi.  51'. "Nasaf"ning o'yini umuman qovushmayapti. Raqib esa ketma-ket hujumlar uyushtirmoqda.  53'. Rahmatov qo'polligi uchun hakam tomonidan sariq kartochka bilan ogohlantirildi.  54'. Suyunov ajoyib seyvi bilan "Nasaf"ni yana bir goldan saqladi.  61'. Bir soat o'tdi, "Nasaf" esa raqib darvozasi tomon umuman zarba bermadi.  62'. Avvaliga Suyunov, keyin esa ikki nafar "Nasaf" futbolchisi raqib zarbalarini qaytardi.  68'. "Nasaf" tarkibida ikkinchi o'zgarish: Sa'dulla Rahmatov o'rniga maydonga Sharof Muhiddinov tushdi.  69'. Parallel ravishda kechayotgan o'yinda "Al-Ahli" jamoasi "Al-Jaish"ga gol kiritdi. Bu esa "Nasaf"ning guruhda qolib ketishi oydinlashayotganidan dalolat beradi.  75'. Amirliklar o'z maqsadiga sari yaqin kelmoqda. "Nasaf" esa umidini deyarli uzib bo'ldi.  76'. Bobir Abduxoliqovning zarbasi to'singa tegib, o'z yo'nalishini o'zgartirdi. Afsus! 79'. "Al-Ayn"da dastlabki o'zgarish: Muhammad Abdulrahmon o'rniga maydonga Diaki Ibrohim tushdi.  82'. Navbatdagi sariq kartochka o'z egasini topdi. Hakam Sharof Muhiddinovning xatti-harakatlarini qoidaga zid, deya baholadi.  88'. Urchashuv o'z poyoniga etib bormoqda. "Nasaf"da g'alaba qozonish istagi ko'rinmayapti.  88'. Parallel o'yinda "Al-Ahli" "Al-Jaish" darvozasiga ikkinchi golni kiritdi.  90'. GOL! Ismoil Ahmad hisobni 2:0 ko'rinishiga olib keldi.  90'. Uchrashuvga 3 daqiqa qo'shib berildi.  90+3'. Uchrashuv yakunlandi. "Nasaf" safarda imkoniyatni boy berib, guruhda qolib ketdi. 
— deya xabar beradi uff.uz nashri.