Toshkentning “Bunyodkor” jamoasi “Lahviya” klubining uy arenasi – “Abdulloh bin Halifa” stadionida o'zining rasmiy mashg'ulotini o'tkazdi. Roppa-rosa bir soat davom etgan mashg'ulotda “Bunyodkor” FK delegatsiyasi bilan Dohaga olib kelingan deyarli barcha futbolchi ishtirok etdi. Birgina Bahodir Nasimov maydon atrofida yugurish bilan cheklandi. Katta ehtimol bilan Nasimov “Lahviya”ga qarshi bahsni asosiy tarkibda boshlamaydi. “Abdulloh bin Halifa” stadioni juda ajoyib holatda ekanligini ta'kidlash joiz. Aniqsa, maydon chimlariga yuqori baho berish mumkin. Mashg'ulot paytida ob-havo harorati tahminan +30ni tashkil etgan bo'lsa-da, namlik yuqori darajada bo'ldi.
Eslatib o'tamiz, Osiyo Chempionlar ligasi-2016 6-turi doirasidagi “Lahviya” – “Bunyodkor” uchrashuvi Dohadagi “Abdulloh bin Halifa” stadionida Toshkent vaqti bilan 22:15da boshlanadi.
— deya xabar beradi uff.uz nashri.