Londonning "Chelsi" klubi hujumchisi Radamel Falkao yozda Amerika Kubogida ishtirok etmaydi.
Kolumbiya terma jamoasi murabbiylar shtabi 30 yoshli hujumchini tarkibga kiritmaslikka qaror qildi. Musobaqa yozda AQShda bo'lib o'tishi lozim.
Falkao oxirgi marta Kolumbiya terma jamoasi tarkibida o'tgan yilning oktyabr oyida Urugvayga qarshi maydonga tushgan edi (0:3). Hujumchi joriy mavsum "Chelsi" tarkibida Angliya chempionatida 10 ta o'yinda maydonga tushdi va bitta gol urdi. Falkao jarohat tufayli mavsumning asosiy qismini o'tkazib yuborgan.
— deya xabar beradi uff.uz nashri.