Evropa ligasi musobaqasining yarim finalidan o'rin olgan “Sevilya” hamda “Shaxter” klublari o'rtasidagi javob uchrashuvi o'z nihoyasiga etdi. Unda 3:1 hisobi qayd etilib, andalusiyaliklarning g'alabasi bilan yakunlandi. “Sevilya“ keyingi bosqichga chiqishi uchun hech bo'lmasa, kichik durang qayd etishi ham mumkin edi, biroq Emeri jamoasi o'yinni g'alaba bilan yakunladi. Maydon egalari safida Gameyro dubl qayd etgan bo'lsa, Mariano o'z hisobiga bitta gol yozib qo'ydi. Donetskliklarning yagona goliga esa Eduardo mualliflik qildi. Shu tariqa, “Sevilya” o'z maydonida “Shaxter”ni engib, finalga chiqdi. Evropa ligasi. Yarim final Sevilya Ispaniya – Shaxter Ukraina 3:1 (1:1, 2:0)
Gollar: 1:0 – 9 Gameyro, 1:1 – 44 Eduardo, 2:1 – 47 Gameyro, 3:1 – 59 Mariano.
Sevilya – Soriya, Koke, Rami, Tremulinas (Eskudero, 74), Karrisu, Banega (Kristoforo, 89), Nzonzi, Vitolo, Kriixovyak, Mariano, Gameyro (Iborra, 82).
Shaxter – Pyatov, Kucher, Ismaili, Srna, Rakitskiy, Marlos (Vellington Nem, 84), Maliishev, Kovalenko, Stepanenko, Tayson (Bernard, 76), Eduardo (Dentino, 84).
Ogohlantirishlar: Marlos (11), Rakitskiy (14), Kucher (20), Banega (30), Srna (49), Eduardo (61), Stepanenko (76), Vitolo (87), Ismaili (90).
Dastlabki uchrashuv: 2:2
— deya xabar beradi uff.uz nashri.