9 may kuni “Qo'qon-1912” jamoasi 8-tur uchrashuvini o'tkazadi. Dushanba kuni jamoamiz “Markaziy” o'yingohda Toshkentning “Bunyodkor” klubiga qarshi maydonga tushadi. Quyida ushbu o'yinga oid qiziqarli ma'lumotlarni hukmingizga havola etamiz. O'zaro o'yinlar “Qo'qon-1912” va “Bunyodkor” klublari hozirga qadar Oliy ligada 2 marta to'qnash kelishgan.  Har ikki o'yinda “Qaldirg'ochlar” g'alaba qozonishgan. To'plar nisbati – 6:0, “Bunyodkor” foydasiga. Fakt: Jamoamiz ikkinchi marta “Bunyodkor” bilan o'z maydonida to'p surmoqda. O'tgan yili Qo'qondagi “Markaziy” o'yingohda bo'lib o'tgan uchrashuvda “Bunyodkor” 1:0 hisobida g'alaba qozongan. Uchrashuv hakamlari 9 may kuni Qo'qondagi “Markaziy” o'yingohda bo'lib o'tadigan “Qo'qon-1912” – “Bunyodkor” uchrashuvini Osiyoning besh karra eng yaxshi hakami, FIFA referisi Ravshan Ermatov boshchiligidagi hakamlar boshqarib borishadi. O'yin nazoratchisi A. Klepikov (Toshkent). Oliy liga, 8-tur «Qo'qon-1912» (Qo'qon) – «Bunyodkor» (Toshkent) Hakamlar: R. Ermatov (Toshkent), A. Rasulov (Toshkent), J. Saidov (Toshkent), A. Shukurullaev (Toshkent) Nazoratchi: A. Klepikov (Toshkent). O'z PFL vakili: R. Chernikov. Boshlanish vaqtlari O'yin  9 may, dushanba kuni  Qo'qondagi “Markaziy” stadionida soat 17:00da boshlanadi. 8 may kuni esa bu jamoalarning o'rinbosarlari o'rtasidagi bahs bo'lib o'tadi. O'yin soat 16:00da boshlanishi rejalashtirilgan.
— deya xabar beradi uff.uz nashri.