Madridning “Real” klubi prezidenti Florentino Peres Zayniddin Zidanni kelasi mavsumga bosh murabbiy lavozimida qoldirishga qaror qildi. Bu haqida AS nashri xabar tarqatdi. “Florentino bir necha hafta oldin bu qarorga kelgandi. Chempionlar ligasi finaliga yo'llanma olingani bunga hech qanday ta'sir o'tkazmadi”, – dedi madridlik klub prezidentiga yaqin bo'lgan manba. Ta'kidlanishicha, Peres frantsiyalik murabbiy qo'l ostida jamoada ajoyib muhit hosil bo'lganidan juda ham mamnun. “Zidan “Atletiko”dan qabul qilib olingan mag'lubiyatdan so'ng og'ir damlarni boshidan o'tkazishga majbur bo'ldi. Ammo Peresga murabbiy sarosimaga tushmagani va jamoani qiyin vaziyatdan olib chiqqani juda yoqdi”, – dedi ispan klubidagi manba.
— deya xabar beradi uff.uz nashri.