O'zbekiston birinchiligi doirasida 7-tur bahslari o'tkazildi. "Mash'al-2" kichik derbida "Nasaf-2"ni qabul qildi va g'alabaga erishdi. O'yinning 5 daqiqasidayoq sobiq "mash'alchi" Shamsiddin Sagdullaev penaltidan hisobni ochdi. 16 daqiqada jarima zarbasidan so'ng to'pni Muhammad Toshpo'latov boshi bilan darvozaga joylab qo'ydi. 29 daqiqada Bunyod Shodiev yoshlarimizni ikkichi goliga mualliflik qildi. Bu hisob nafaqat bo'lim yakunigacha, balki o'yin oxirigacha ham saqlanib qoldi. Ushbu g'alabadan so'ng "Mash'al-2" ochkolari 10 taga etdi va turnir jadvalida sakkizinchi pog'onada bormoqda. Endi Mikola Lapa shogirdlari navbatdagi 8-turni o'tkazib yuboradi va 9-turni 15 may kuni Muborakda, "Zomin"ga qarshi o'tkazadi. 7-tur. 5 may (payshanba) «Mash'al-2» (Muborak) – «Nasaf-2» (Qarshi) – 2:1. 87 tomoshabin.
Gollar: M. Toshpo'latov (16), B. Shodiev (29) – sh. Sagdullaev (5, penalti).
“Mash'al-2”: Husan Olimjonov, Muhammad Toshpo'latov, Doniyor Umarov, Ja'far Ismoilov, Sanjar Ahmedov, Ahror Inoyatov, Nosir Eronov, Tavakkal Abdurahmonov, Shokir Yo'ldoshev, Yunus Ochildiev, Bunyod Shodiev.
Zaxira: Jonibek Mo'minov, Alibek Rahmatullaev, Olloyor Raupov, Muni-Mirmuhsin Yusupov, Sunnatillo Rustamov, Oybek Jo'raev, Yodgor Nazarov.
“Nasaf-2”: Javohir Komilov, Jahongir Qurbonboev, Akmal Olimov, Shamsiddin Sagdullaev, Ziynatullo Ikromjonov, Asliddin Abdiev, Sherzod Nasrullaev, Dilshod Saitov, Ilhom Alijonov, Abdulaziz Nishonboev, G'olib G'aydullaev.
Zaxira: Amir Hoshimov, Farruh Absalomov, Elbek Otaqulov, Otabek Komiljonov, Xudoyorxon Sagdullaev, Shoxruh Safarov, Shoxruh Ne'matov.
Ogohlantirishlar: Yu. Ochildiev (19) – Z. Ikromjonov (44), G. Haybullaev (45+1), Sh. Sagdullaev (48), D. Komilov (69), A. Nishonboev (69), O. Komiljonov (87).
Chetlashtirish: Sh. Sagdullaev (ikkinchi ogohlantirish, 56).
Hakamlar: A. Najafaliev (Toshkent) – 8,2, S. Sirazov (Toshkent) – 8,1, D. Abdurazzoqov (Toshkent) – 8,1, A. Kalinin - 8
Nazoratchi: K. Smirnov (Qarshi).
— deya xabar beradi uff.uz nashri.