“Liverpul” jamoasi himoyachisi Deyan Lovren “Vilyarreal”ga qarshi (3:0) Evropa Ligasi musobaqasining yarim final javob o'yinidan so'ng o'z fikrlari bilan o'rtoqlashdi. “Bo'lib o'tgan o'yin chiroyli o'tdi va muxlislar bundan xursand bo'ldi, deb o'ylayman. O'yindan oldin bunday natijaga erishishimizni hech kim kutmagan bo'lsa kerak. Ammo aytganimdek barcha narsaning ilojisi bor. Bugun raqibni mag'lub qilishda 12-o'yinchi hisoblanadigan muxlislar katta yordam berdi. Muxlislar bu safar “Borussiya”ga qarshi o'yindan ko'ra ancha yaxshi bo'lib, bizga dalda berishdi”, – deydi Lovren. Eslatib o'tamiz, Evropa Ligasi finalida “Liverpul” Ispaniyaning “Sevilya” klubiga qarshi maydonga chiqadi. Ushbu o'yin 18 may sanasida Shveytsariyaning Bazel shahrida bo'lib o'tadi. 
— deya xabar beradi uff.uz nashri.