Angliya chempionati 37-turidan o'rin olgan “Lester” va “Everton” o'rtasidagi uchrashuv o'z nihoyasiga etdi. Unda 3:1 hisobi qayd etilib, muddatidan avval Angliya chempionligini rasmiylashtirgan “tulkilar” foydasiga hal bo'ldi. Uchrashuvning 5 jaqiqasidayoq Jeymi Vardi hisobni ochishga muvaffaq bo'ldi. 33 daqiqada King “tulkilar” ustunligini oshirdi – 2:0. Ikkinchi bo'limda hujumkor futbol davom etdi. 65 daqiqada Jeymi Vardi penaltidan unumli foydalanib, hisobni yirik ko'rinishga olib keldi. 72 daqiqada hakam “Everton” darvozasi tomon yana bir penalti belgiladi. Bu safar Vardi gol kirita olmadi. 88 daqiqada Kevin Miralyas oradagi farqni biroz qisqartirdi. Shunday qilib, Klaudio Raneri jamoasi ishonchli g'alabaga erishdi. Angliya chempionati, 37-tur Lester – Everton 3:1
Gollar: 1:0 – 5 Vardi, 2:0 – 33 King, 3:0 – 65, penalti Vardi, 3:1 – 88 Miralyas.
Lester – Shmeyxel, Vasilevski, Fuks, Simpson, Morgan, King, Kante, Olbrayton (Shlupp, 67), Marez, Okadzaki (Uloa, 62), Vardi.
Everton – Robles, Stounz, Beyns, Ovedo, Pennington, Barkli (Osman, 81), Makkarti, Kleverli (Gibson, 63), Lennon, Lukaku, Nyasse (Miralyas, 63).
Ogohlantirishlar: Pennington (44), Kleverli (49), Gibson (71).
— deya xabar beradi uff.uz nashri.