Dortmundga yana bosim va hujum uyushtirishyapti. Xummels va Gyundogan klubdan ketishni maqsad qilishganini ochiqdan-ochiq oshkora qilishdi. Aubameyang Ispaniyada to'p surishni orzu qilyapti. Roysga kelsak, grandlar katta ehtimol bilan baribir uni tortib oladilar.
“Agarda Hummels ketadigan bo'lsa, faqatgina “Bavariya” uning keyingi yo'nalishi bo'la oladi. Uning “Bavariya” bilan juda ko'p bog'liqlik joyi bor”, – deya Yoahem Vatske, dortmundliklar ijrochi direktori uqtirib o'tdi. “U va uning butun oilasi Myunhendandir. Faktorlar etarli va Mats uchun gap pul haqida ham emas. Mabodo u ketishni niyat qilsa, biz uni qabul qilamiz. Biroq biz uni aniq qo'yib yuboramizmi, yo'qmi, bu ma'lum emas”. Biroz oldin klubning xabar berishicha, Xummels faoliyatini Myunhenda davom ettirishni jiddiy maqsad qilgan. Sizlarga Xummels kerakmi? Marhamat, chamadonlaringiz bilan kelinglar va uni o'zingiz bilan olib ketinglar. Dortmundliklar o'z sardorlari orqali 38 million evro ishlab olmoqchilar.
Biroz keyin klub offisiga kuchaytirilgan taklif kelib tushdi. Bu safargi sovchilar Manchesterdan ekan. “Siti”da karvonboshilikni o'z zimmasiga olgan Xosep Gvardiola jamoa pleymeykeri Ilkay Gyundoganni nishonga olibdi. Dortmundliklar ushbu transfer borasida “Siti” bilan aloqaga chiqishgan. O'z navbatida Ilkayning transfer bahosi ham 22 million evrogacha ko'tarildi. Keyinchalik yana 5 million bonus sifatida qo'shib berilishi ham mumkin.
Marko Roys va Pier-Emerik Aubameyangni jahonning deyarli barcha top klublari o'z saflarida ko'rishni istaydilar. Narxlar ham osmonga qarab yuksalib bormoqda. So'nggi ma'lumotlarga ko'ra, “Manchester Yunayted” gabonlik to'purar uchun 90 million evro ajratishga tayyor. Roysdek pleymeyker har qanday jamoa o'yinini kuchaytirishiga hech kimda shubha yo'q. Yozda sobiq murabbiy Klopp o'z futbolchisini bilan qayta birlashish maqsadida dortmundliklarga murojaat qilishi turgan gap. Boz ustiga, “Real” ham nemisni uzoq muddatdan beri xarid qilishga urinib kelmoqda.
Davomi Penalti.uz blogida.
— deya xabar beradi uff.uz nashri.